অত্ৰেয়ী গোস্বামী
উভতিব খুজিলেও উভতিব নোৱাৰি
বন্ধনো নাই, মায়াও নাই৷
অথচ চাৰিওদিশে চাৰিওটি বাট বন্ধ৷
কথাটো সহজকৈ ভাবিব পাৰি
সহজ হ’ল বুলিয়েই
বাট নোহোৱা কথা এটা
উলাই কৰিব নোৱাৰি৷
তেওঁ উভতিব খুজিছে,
ময়ো উভতিব খুজিছোঁ৷
আমাৰ এটা বাট আছিল
এতিয়া সেইটো বাট হেৰাল৷
সহজ বুলি কোৱা কথাৰ মেৰপাকত
আমাৰ খোজবোৰ জোঁটপোট খালে ৷
উভতিব লাগিব
বাট বান্ধিব লাগিব ৷
হালধীয়া পাতখিলা সেউজীয়া হোৱালৈ
আমি ৰৈ থাকিম ৷
শুকান পুখুৰীত জোবোৰা মাৰি
উশাহ বন্ধ হোৱাৰ অভিনয় কৰোঁতে,
মাটি নিতিতা বৰষুণত
জুৰুলিজুপুৰি হোৱাৰ হেঁপাহটো
ধুপুচকৈ সৰি পৰিল৷
—
Visited 4 times, 1 visit(s) today
