দিগন্ত শইকীয়া
পুহৰ বন্দী বেলি
কুঁৱলীৰ পোতাশাল
দিনত কুকুৰ
ৰাতি শিয়াল
সাধুৰ জোখাৰে জয়াল
ধুঁৱলী।
ভাহে মাথোঁ
গেঙনি ডেডাউৰি
নাওবোৰ
ফিৰি অহা নাই
আন কিছুমান চকুলৈ লোণ সংক্ৰমণ,
বিষৰোধী অৱসাদক
ভাগে ভাগে
আয়োগ বিনিয়োগ
আপোন প্রবৃত্তিৰে শগুণবোৰ
কুঁৱলীৰ মাজে মাজে চলমান বিন্দু
কমলাবোৰ তিৰবিৰাই উঠিবলৈ ৰৈ আছে
বিহগ বিননিৰ তলে তলে অৰণ্যৰ গহনত
চৰক্ চৰক্ চলমান কৰত
চানেকিৰ ফুল কুৰুচা কাঠিৰে বাগৰিছে
পূৰ্বৱৰ্তী পৃষ্ঠা পৰৱৰ্তী পৃষ্ঠা
Visited 3 times, 1 visit(s) today
