ময়ূৰী কাকতি
প্ৰেম সৰল
মাতৃৰ মমতাত বাঢ়ি অহা ভ্ৰূণটোৰ দৰে
নিষ্পাপ কেচুৱাটিৰ দৰে
যি স্পৰ্শৰ উত্তাপত ঠন ধৰে,
কলকলাই ওমলে
আৰু মৰমৰ প্ৰতিদান দিয়ে
প্ৰেম সপোন এটিৰ স্বতস্ফূর্ত গুঞ্জন …
অহৰহ বৈ থকা এটি ৰাগ..
আঙুলিত ধৰি ধৰি খোজকঢ়া সময় ,
নহলে বেসুৰা,বিৰাগ …
সুৰবোৰ একোটা কঠিনতম কছৰৎ
বৰষুণ পাই লহপহকৈ বাঢ়ি অহা শ্যামল ঘাঁহনি
প্ৰেম সুখ
দুখত আশ্বাসৰ আলিংগন
প্ৰেম কেৱল প্ৰেম
কবিতা বা
আন একো নহয়
ফোন : ৬০০৩৮০০৪৭৭
পূৰ্বৱৰ্তী পৃষ্ঠা পৰৱৰ্তী পৃষ্ঠা
Visited 5 times, 1 visit(s) today
