নিৰু দত্ত
চৰাইৰ কিচিৰ-মিচিৰ আৰু স্তুতিগীতত
সাৰপোৱা ফেঁহুজালি এটা বুকুত জীয়ন দি থ’লোঁ ।
কথাবোৰে খলখলাই বাট নোপোৱা দিনবোৰত
তৰমুজৰ ভিতৰত মনটো ভৰাই
উদং হৈ চৰাই হ’লোঁ।
ৰজা চৰাই এটাই নিলিখা কিতাপখন মেলি ধৰে
“মুকলি-মূৰীয়া চৰাই বিনন্দীয়া তথাপি লাগিব বান্ধোন”
কিচিৰ-মিচিৰবোৰ বাঢ়ি বাঢ়ি ঢৌ নৌ হওঁতে
নিলিখা কিতাপখনত লিখা হ’ল
চৰাই-সংবিধান ।
মোলান পৰা চৰাইৰ ৰংবোৰ
আবেলিৰ আকাশে সাঁচি থয়
তৰমুজে ৰঙাখিনি ধাৰণ কৰে বুকুত ।
ঠিকনা :
সৰুপথাৰ – ৭৮৫৬০১
গোলাঘাট
ভ্ৰাম্যভাষ : ৭০০২২৪১১৪৫
Visited 2 times, 1 visit(s) today
