ধীমান বৰ্মন
এয়া প্ৰথম বিশ্বৰ আকাশ
এঙেৰুৱা মেঘ এছটাত
আঁউজি কহুঁৱাৰ বতৰ
মাজে মাজে নীল কেনভাছত
ব্ৰাছ বোলাইছে
এন্ধাৰ বৰণৰ শিল্পই
এয়া প্ৰথম বিশ্ব
আকাশতেই শিল্প জীৱন্ত হ’ব
ওলমি ৰোৱা সাঁকোৰ বিলাস
পাৰ হ’ব এখুজি দুখুজি
মই কথক নহয় পাঠক
মই এখনি জিভাহে
যদিও মই এখনি জিভা
মূলতঃ মই এটি আলি
তৃতীয় বিশ্বৰ জীৰ্ণতাৰ
প্ৰথম বিশ্বৰ বিস্ময়
পথিক এহালি
মোৰ ওপৰেৰে যেতিয়া পাৰ হ’ব
মই কিয় চেলেকি নাথাকিম
তেওঁলোকৰ কিচকিচীয়া জোতা
Visited 1 times, 1 visit(s) today
